Pakistan-ah Jaishankar-a’n thingphun
External affairs minister Dr. S. Jaishankar chuan thawhlehni khan Pakistan thlengin, Islamabad a Indian High Commission-ah thing a phun. Minister hi Shanghai Cooperation Organisation (SCO) inhmuhkhawma tel tura Pakistan a kal a ni.
SCO inhmuhkhawm hi thawhlehni leh nilaini khan Pakistan-ah neih niin, India ram aiawhin Jaishankar hi a tel a, Islamabad a tlawh hriatreng nan high commission huamchhungah hian thing a phun thu a sawi.
Jaishankar-a’n Pakistan a tlawh hi kum kaw hnua foreign minister in Pakistan a tlawh lehna hmasa ber a ni a, a tlawh hnuhnung bertu chu Sushma Swaraj niin, kum 2015 khan a tlawh tawh a ni. Pakistan leh India hi Kashmir chungchang leh helho puia inpuhtawn reng an nih avangin an inngeih lo hle a, ram hruaitute pawh an intlawhtawn khat hle.
SCO inhmuhkhawmah hian an thutlukna zawng zawng tarlan ni lo mah se, Jaishankar chuan India leh Pakistan chuan thawhhona tha zawk neih a duh thu sawiin, ‘ram pahnihte kan inlungrual lohna tam tak awm mah se, helho chetna tibo tur hian kan ngaihtuahna kan sen dun a tul tak zet tawh a ni,’ a ti.
Pakistan-ah Jaishankar-a’n thingphun
Get real time updates directly on you device, subscribe now.
Prev Post