Oil phur kang vangin mi 90 chuang thi

Oil phur kang vangin mi 90 chuang thi
Nimin khan Nigeria a Majiya khuaah oil phur pakhat kang vangin mi 90 chuangin nunna an chan a, mi 50 chuangin hliam na tak an tuar bawk.
An ramchhung media te sawidanin he oil phurtu driver hian Portharcourt atangin Nguru a Yobe hmunah a thilphurh hi a dah dawn a, an ram huna nilaini zing lam khan Majiya khua a tlan pelh dawn laiin he chhiatna hi a thleng ta a ni.
Hriattheih chinah he chhiatna avang hian mi 95 chuang an boral tawh a, mi 50 in hliam na tak an tuar bawk tih Jigawa police te chuan an sawi.
Driver hian a lirthei khalh chu thunun zo lovin, a rem rem a su tawp mai a. Kawng tha a tlan a ni bawk nen, a su na hle nia sawi niin, oil hian kangmei a tichhuah bawk avangin chhiatna liantham a thlen phah nia sawi a ni a, mi tam zawk la mut lai a lo ni lehzel nen nunna chan pawh hi an tam nia sawi a ni bawk.