Haryana CM thar atan chief minister ni lai lalut

Haryana CM thar atan chief minister ni lai lalut
A zawna term thum sorkarna fawng chelh leh tu BJP chuan Haryana sorkar thar tur a nei famkim leh dawn ta a, nimin khan chief minister atan Nayab Singh Saini chu lakluh a ni.
Home leh Family welfare minister hlui Anil Vij chuan CM atan an chief minister ni lai Saini hi rawtin, hnialtu an awm lo a, Saini hian a term hnih CM na tur a hmang chho leh dawn ta bawk a ni.
Lakluh a nih hma hian Saini chuan, ‘Haryana mipuite chungah ka lawm tak zet a, engkima ruahmanna min siampuitu Amit Shah chungah pawh ka lawm hle,’ tia sawiin, ‘Central kaihhruaina hnuaia sorkar thar kan din chho leh tur hi ka lawm a, a term thum nan Haryana ah BJP sorkar chak leh tha zawk kan din chho leh ang,’ a ti.
Nimina lakluh inkhawm hi Dusshera ground, Panchkula ah neih niin, he hunah hian prime minister Modi bakah BJP hruaitu lawk tak takte an tel a ni.