Bangladesh court in an PM hlui manna thupek chhuah

Bangladesh court in an PM hlui manna thupek chhuah
Bangladesh International Crimes Tribunal (ICT) chuan an prime minister hlui Sheikh Hasina chu manna thupek chhuahin, nimin khan he thutlukna hi a siam.
Mohammad Tajul Islam, ICT a chief prosecutor chuan Hasina chu November 18 hma ngeia court a inlan turin a hriattir a, a case chu ngaihzam chi a nih loh thu a sawi.
Hasina hi zirlai lungawi lovin nawrh an huaihawt nasat hnu, an ram sorkar a tlukchhiat hnu khan bibo nghalin, August thla atang khan India ah a awm thu sawi a ni.
Chief prosecutor Islam chuan, ‘Hasina,77 hian kum 15 chhungin Bangladesh ram dan bawhchhhiatna a ngah hle a, a hun hman chhung hian inrahbehna nasa tak awmin, politics thil avangin nunna chan tam tak an awm bawk,’ a ti a. ‘Heng zawng zawngte bakah hian buaina lian thamah a mawhphurtu zel a ni, sawi chin ringawtah pawh hian manna tham chu a ni tawh,’ a ti bawk.
India chuan a ram chhunga Hasina awm chungchangah leh Bangladesh court in man tura thutlukna a siam hnu hian thuchhuah engmah a la siam lo a, ram pahnihte inkarah hian boruak sang tak a awm phah zui ang em tih chu khawvel thlir rawn a ni mek rih a ni.