Halpuah leh halmawi khap

Halpuah leh halmawi khap
Krismas leh Kumthar lawmnaa halpuah leh halmawi hal khap chungchangah Ningani zan khan Aizawl khawpui chhunga YMA branch hrang hrang hruaitute an inhmukhawm a, mi 500 chuang an kal a, kan branch hruaitute pawh an tel.
Central YMA buatsaih, Dawrpui Multipurpose Hall-a inrawnkhawmna hunah hian Central YMA vice president Prof Lalnuntluanga’n halpuah leh halmawi hal a \hat lohzia leh a nghawng a sawi a, branch hrang hrangte \an tlan a \ul thu a sawi.
Halpuah leh halmawi khap chungchangah hian YMA chuan sorkar hmalakna a thlawp tih a sawi a, mahni branch huam chhung \heuhah Branch YMA tinte’n theihtawp an chhuah a \ul thu a sawi.
Naupang kum tling lo zan len khuahkhirh a \ul thu pawh a sawi a, kum tling lo zan chhuak hian khawtlangah sualna a tih punlun dan te, tleirawl insual rawn a hluar dan te a sawi bawk. Insualrawn thleng fo hi ruihtheih thil tih avanga lo thleng a ni a ti.
He hun hman puitu, home minister K Sapdanga pawhin thu a sawi a, dan leh thupek hmanga halpuah leh halmawi khap tur hian sorkar chuan khauh taka hma a lak tur thu leh sorkar hnathawk inhnamhnawih chu hrem an nih tur thu te, sorkar hmalak tum dan te a sawi.
YMA te nena \hahnemngai taka \anrual chuan halpuah leh halmawi hal khap hi a hlawhtlin ngei a beisei thu a sawi a, a hlawhtlin theih nan YMA hruaitu leh member zawng zawngte thawhpui turin a sawm.
Krismas vuakveta YMA branch duty te thingpui inna tur sorkar a\angin ruahman a nih tur thu a sawi bawk.
Sawihona hun an hmang a, Aizawl DC Er Lalhriatpuia leh H Ramthlengliana, DIG (NR) te’n zawhnate an chhang a ni.