Zirtawpni tuk khawvar tan tirh khan Delhi a Shahdara huamchhungah kangmei chhuakin, chenna in a kang a, mi pahnihin nunna an chan. Thuneitute chuan naupang pahnih him dam taka chhanchhuah an nih thu an sawi bakah, mi pali hliam na tak tuar an awm thu an sawi bawk.
Delhi Fire Service (DFS) te chuan zing dar 5:30 velah call an dawn thu sawiin, hmanhmawh takin kangthelh motor paruk an kal nghal thu an sawi a, kangmei hi a lo nasat hman deuh avangin chet lak a har thu an sawi. A chhunga naupang pahnih erawh an chhanhim theih thu sawiin, mi pahnih erawh an chhan thei ta lo tih an sawi a ni.
Kangmei hi building chhawng thumna leh chhawng lina atanga chhuak niin, electric kal sual vanga chhuak a nih an rin thu police te chuan an sawi a, kangmei thelh nan hian darkar hnih chuang hun an hmang a ni.
Naupang an chhanchhuah pahnihte bakah midang hliam tuarte hi damdawiinah kalpui nghal niin, enkawl tha tak pek nghal an ni a, police te chuan nunna chante hi naupang nu leh pa nge, midang tih thuchhuah an la nei lo thung.
Delhi in kangah mi pahnihin nunna chan
Get real time updates directly on you device, subscribe now.
Prev Post