Heroin vangin kum 10 tang dawn

Heroin vangin kum 10 tang dawn
Champhai district huamchhunga heroin vanga man mi pahnih chu court-in kum 10 lung in tang tur leh cheng nuai hnih ve ve chawi turin a hrem.
Champhai Special Court (ND&PS Act) judge Liansangzuala chuan heroin tawlhruk vanga man Joseph Laldingngheta leh Lalrosanga te chu thiam loh chantirin, kum 10 ve ve jail tang tur leh sumfai cheng nuai 2 ve ve chawi turin a hrem a. An sumfai chawi tur hi an pe thei lo a nih chuan jail ah kum khat dang an tan belh ang.
Court-in a sawi danin, Joseph Laldingngheta leh Lalrosanga te hi Khawzawla Tuisenphai Police check-gate-ah 2023 April 26 khan Khawzawl Police-ten heroin gram 897 chuang nen an man a. Khawzawl Police Station-ah Narcotic Drugs and Psychotropic Substances Act 1985 tlawhchhanin thubuai siamsak an ni. Police-in an chhui dan court-a an thehluh hnu-ah thuhretute koin an chungchang hi court chuan a ngaihtuah a. Thiam loh chantirin kum 10 lung in tang tur leh cheng nuai 2 chawi turin a hrem ve ve a ni.