Penalty pet dan dangdai Panenka

Football huanga hriat hlawh; thil thleng ngun tak chu ‘Penalty’ a ni. ‘Arpuia lungchhia, Sanghara lunglawm’ tih ang deuh kha a ni a, penalty hi vanneihna thlentu leh vanduaina thlentu; daidantu bang s^ng tak a tling. Inkhel boruak tisosang lehzualtu a ni tel bawk.
Penalty pet dan hrang hrang a awm a; a tlanglawn chu ding lam emaw, vei lam emaw sirah a lir emaw, a kangin emaw kawh taka pet a ni. Penalty pettu thenkhat chuan a laiah kawh takin an pet thin bawk. Heng thil pathumte hi penalty pet dan tlanglawn a ni a. Penalty pet dan dangdai tak, player nazawngin an tih zen zen loh a awm leh a, chu chu ‘Panenka’ an ti. ‘Panenka’ hi goal laiah na vak lova pet kan keuh a ni.
A kanga pet kan zeuha goal a nih vangin ‘Panenka’ hi ‘chip’ nen erawh an inang lo thung. ‘Chip’ hi chu si nghak awmhmun fuh tawk loh vang emaw, a remchan z^wk av^nga pet khm av^ngin a hming chawiin ‘Panenka’ tih a ni zui ta zel a ni.
June ni 20, 1976 khan Yugoslavia khawpui Belgrade-a Stadion Crvena Zvezda khelmualah Euro vawi ngana final khelh a ni a. Inkhel hmuhnawm takah West Germany leh Czechoslovakia te chu hun pangngaiah si hnih ve ve inpein an inhnehtawk a. Hun pek belhah pawh chak zawk an awm theih loh av^ngin penalty shoot-out hmangin chak zawk zawn a ngai a. Euro final-a penalty shoot-out hmasa berah hian West Germany tana pettu palina Uli Hoeneß chuan goal chungah petchhuakin a thelh. 4-3 a hmahruai tawh Czechoslovakia tan free-kick leh penaly pet thiam tak Antonín Panenka a lo pen chhuak a. Football chanchinah a hming dai leh tawh ngai lohna tur ‘Panenka’ ngei maiin chakna goal a thun a, Euro 1976-ah Czechoslovakia a champion pui ta a ni.
‘Panenka’ chingchhuaktu Antonín Panenka hi kum 1948, December ni 2 khan Czechoslovakia khawpui Prague-ah a piang a. Attacking middfielder niin Bohemians Praha chu a ropuina hmun a ni. Czechoslovakia tan hian kum 1973–1982 chhunga vawi 59 khelin goal 17 a thun a, kum 1993 khan football a chawlhsan.