Inter Branch YMA Table Tennis:Mission Vengthlang leh Vaivakawn champ!

Ni li awh, May ni 26-29 chhunga khelh zawh tak LBS Suzuki 6th Inter YMA branch Table Tennis Tournament 2026 chu karliamta Zirtawpni khan a tiak ta.
He tournament-ah hian category ngaihhlut hlawh team inelna huangah Mission Vengthlang Branch YMA chu mipa team champion niin, final-ah Mission Vengthlang hian 3-2-in Mission Veng Branch YMA an hneh.
Hmeichhe team final-ah 3-0-a Bethlehem Vengthlang sawptu Vaivakawn Branch YMA chu hmeichhe team champion an ni ve bawk.
Men’s singles lamah Jeho Himnakulhpuingheta (Chawngte ‘P’ Branch) chu champion niin, final a luhna kawng hnuhnung semi-final lamah Lalruatfela (Diakkawn Branch) a vaw thla.
Semi-final lehlamah H. Lalruatsanga (Mission Vengthlang Branch) chuan Alberto LR Ruata (Mission Veng) hnehin final a lut ve bawk.
Final game hmuhnawm takah Jeho-a hian 4-0-a H. Lalruatsanga hnehin Inter Branch YMA Tournament mipa singles champion a zawnin a ni ta a ni.
Women’s singles lamah Caroline Malsawmkimi (Lungdai Branch) chuan Lalmuanzeli (Vaivakawn Branch) laka4-1 hnehna changin champion no mawi a chawi ve bawk.
Central YMA leh Mizoram Table Tennis Association tangkawpin tun hi a tum rukna atana Inter-Branch YMA Table Tennis Tournament an buatsaihna ni tawhin, tun tumah hian YMA branch 52 atangin team an chhuak a; Mizoram hmun hrang hrang atanga infiammi tel zat hi chhinchhiah danin mi 253 an ni.
Tournament kharna hun programme hi Central YMA Sports Committee chairman Lalhrilliana’n a kaihruai a; he committee secretary Zorammuana’n report pein, Central YMA vice president Prof. Lalnuntluanga leh MTTA president C. Lalrinzualate’n thu an sawi.
He tournament-a chhuak Branch YMA zawng zawngte hian suahdur leh bawngtuthlawh an dawng vek a ni.