United in hun an mamawh
Manchester United manager lailawk Van Nistelrooy chuan United chu dan rual loh khawpa tha an ni thei a. Chumi tur chuan hun leh thawhrimna nasa zawk an mamawh thu a sawi.
United hian thawhtanni khan an manager Erik ten Hag an ban a, manager thar an neih hmain Nistelrooy chu an manager lailawk atan an tuar. United forward hlui Nistelrooy ho hian nilai zan khan Caraboa Cup last 16-ah Leicester City an hmachhawn. United hian an manager thar atan Ruben Amorim an dawr mek a. An indawr fel thuai a nih chuan Nistelrooy hian United hi a chhuahsan zui ve nghal ang a, Leicester City an hmachhawn hi United an kaihhruai hnuhnung ber a ni rih tura ngaih a ni.
Kum 2001 – 2006 chhung United tan khel a, Premier League, FA Cup, EFL Cup leh FA Community Shield-a champion pui tawhtu. Erik ten Hag assist manager ni tura kir leh Nistelrooy chuan United chu club ropui, hneh theih loh ang hiala tha ni leh thei dinhmuna ding; hmabak eng tak nei an nih thu a sawi a. An ropuina nei let leh turin hun an mamawh a, thawhrimna leh inpekna sang zawk an mamawh thu a sawi tel bawk.
United in hun an mamawh
Get real time updates directly on you device, subscribe now.
Prev Post