A thian i ni zawk lo maw?

A thian i ni zawk lo maw?
I hmeichhe duh deuh khan thian angin a en tlat che a ni lo maw? Chutiang a nih chuan tihdan a awm maithei a nia.
Duh deuh i nei a, a duh zawng apiang duh ve niawm takin i awm vel a- a music ngainat zawng te, a lehkhabu duh zawng te pawh duh ve angin i awm zel a. Chu chuan thil tha a thlen i ring a ni. Mahse, chu hmeichhia chuan i bulah a mipa tha tih zawng te a sawi ta tlat mai a, chu mipa chu tihpui turin a sawm ta hlauh mai che. Chhei le, i chhe ta vek mai. |hian angin ani chuan a lo ngai che a ni.
Chutia thian anga i chhuah tak maina chhan nithei awm chu lo bihchiang dawn chhin te’ng:
1. Hmeichhia chuan a duh zawng hre thei mipa a duh thin. A tih ang apiangah a thu awih taka zui duan duan zel ringawttu mipa chu atan a ‘exciting’ tawk tlat lo. Hmeichhia chuan ‘thlan bik’ ni anga inhriat te hi nuam an ti tlat. An duh duh a tih kual theih, engkima an thu awih em em zel ringawt chuan an inthian thuai mai thin!
2. A hmeltha tih i la hrilh lo a ni mai thei. Hmeichhia ten mipain a ngaihmelh a ni tih an hriatthiam theihna awlsam ber chu hmeltha an tih thu an sawi hi a ni. Hmeichhia chu naupang no tak dawm taka dawm mai lovin, puitling sexy tak angin en zawk rawh. Chuti lo zawng thianah in inchhuah leh ngei dawn!
3.Lenchhuah puiah i la sawm lo em ni? In inhre rei ve ta viau a, mahse, lenchhuahpuiah i la sawm tlat loh chuan hmeichhia chuan ngaihdan chintawk a nei ang. Lenchhuah han tihah pawh khawiah emaw hawi khawthawn satliah ni lo, in pahnih chauha awm fal i duh tih i hriattir ngei a ngai. |hian ang maiin i en lo tih a hre ngei tur a ni.
4. Talent i nei tha, mahse, a hre si lo. Kan talent kan show lai chuan tupawh mai hi kan lang tha vek mai, chutianga i thiam zawng tak i ti lai a hmuh theih dan tur ngaihtuah ang che. I talent chu eng pawh ni rawh se- guitar perh emaw, football pet emaw pawh a ni thei. Chutiang i thiam lo a nih pawh hmeichhe thenkhat chuan mathematic thiam tak te hi sexy an ti riau asin. Titi thiam tak pawh i ni zawk thei, chutiang mi bula awm chu nuam an ti. I talent chu engpawh ni se i hmeichhe duh deuh bula ‘show’ theihna remchang i zawn thiam a pawimawh ang.