Myanmar hruaituin China tlawh

Myanmar hruaituin China tlawh
Myanmar ramin kum 2021 february thlaa Aung San Suu Kyi kaihhruai sorkar an paihthlak hnua a tum khat nan an sipai hotu lu Min Aung Hlaing chuan China a tlawh.
China chuan Myanmar sipai hotu lu chu lawm taka a lo dawnsawn thu sawiin, buaina chhuak erawh an duh loh thu a sawi a. An ram chhunga buaina chhuak hmehmihpui dan tur leh a kaihhruai tum zel dante a lo sawipui dawn nia sawi a ni.
China chuan an ram tlawh tura sawm a nih thu sawiin, an thenawm ram chu sumdawnna kawngah leh remna leh muanna kawngah engtinnge chak zawka hma a lak tum dan hriat a duh vanga sawm a nih thu a sawi.
Beijing chuan sorkar an paihthlak hnua an ramchhung buaina chu a thil duh lo tawpkhawk a nih thu sawiin, mahse a nih tur ang a nih tawh avangin buaina chinfelpui kawngah tih theih an nei ve em tih thlenga hriat an duh thu a sawi bawk.
Min Aung Hlaing hian China a tlawh chhunga a hmuh tur leh a tihturte puanzar a ni lo a, a cham chin tur sawi a ni lo bawk. China chuan an ram dinhmun tluchhe mai thei laka puih ve theihna kawng a zawng ber niin report thenkhat chuan an tarlang.