Khawvel lum ber kum a ni thei dawn

Kumin hi European Union hnuaia din Copernicus Climate Change Service (C3S) chuan khaw lum ber kum ni turin nimin khan an sawi a, hei hian nikuma a lum ber kum nia lo sawi tawh chu a lehpel dawn niin an sawi.
Data an neih hrang hrangte chu karleha Azerbaijan-a UN COP29 climate summit neih a nih hmaa tihchhuah an tum thu C3S chuan sawiin, ram hrang hrangte chuan climate change dona atana sum tihpun chu remti thei se an duh thu an sawi bawk a ni.
C3S sawi danin kumin January atanga October thleng khan khawvel lumna chu a sang em em a, kum 2024 chu khawvela khaw lum ber kum a nih ngei an rin thu sawiin, data an tlangzarh hunah phei chuan rinphak bak a nih theih hial thu an sawi bawk.
C3S director Carlo Buontempo chuan kumina record thar a awm chhan tur tha tak chu boruak inthlak danglam nasat vang a nih thu a sawi a, ‘khawmualpui hrang hrangah sik leh sa in lum lam a pan chho zel a, hei hi kan zavaia kan ven tlan a ngai tawh a ni,’ a ti.
Climate change dona atana sum tihpun an duh thu an sawi rual hian C3S chuan US president thlan thar Donald Trump chu an ngaihchan a nih thu an sawi a, a thuphunga sawipui hmasak hial chi ni pawha an hriat thu sawiin, US chu an ngaihdante tawmpui ngei tura an beisei lian tak a nih thu an sawi bawk.