Hel niloin volunteer – ZGN

Hel niloin volunteer – ZGN
Tunhnaia CRPF kuta thi Hmar mi 10 chu ‘hel’ niloin Meitei-ten an beih thut palha khua venghim tura inpe – village volunteer an ni tih Zofa Global Network chuan an sawi.
ZGN thuchhuak chuan, Manipur Jiribam district-a CRPF-in Hmar village volunteer 10 an kaphlum chu a dem hle tih a sawi a. Heng an mi thahte hi hel niloin, Meitei-ten an beih thut palha an khua venghim tura inpe, village volunteer (civilian) an ni, tiin, ‘ZGN chuan he thilthleng hi uluk takin a chhui a, a tul anga action la turin India sawrkar kan phut bakah mitthi chhungte hnenah zangnadawmna pe turin India sawrkar kan phut a ni,’ a ti.
Misual tute emaw-in Zosangkim Hmar w/o Ngurthansang, Jiribam district Manipur rawng taka an that chu ZGN chuan a dem tih sawi bawkin, Zosangkim chhungte hnenah zangnadawmna pe turin Manipur sawrkar a phut tih a sawi.