Praise On 2024 Winner – Lalthlanawma

Praise On 2024 Winner – Lalthlanawma
Synfo leh Central Kristian |halai Pawl (CK|P) tangkawpin an buatsaih, Presbyterian Kohhran hnuaia K|P member-te tana zaia intihsiakna Praise On 2024 chu Zirtawpni zan khan grand finale neiin, a hmawr an bawk ta a, Lalthlanawma, Ramhlun Branch chu winner niin, Praise On solo intihsiaka mipa winner ni thei hmasa ber a ni.
Kumin Praise On-ah hian zaithiam huhang nei lian sa, J Lalruatsangi, Sihphir Branch chu Pahnihna niin, Samuel Lalmuanchhana, Armed Veng Branch chu Pathumna a ni a, P Vanlalhriatpuia, Chaltlang South Branch leh Maria Lalmuanpuii, Chhiahtlang Bazar Branch te Top 5-ah an lang bawk.
Praise On 2024 hi September ni 6 khan audition bul tan a ni a, Champhai New Serchhip, Kolasib leh Lungleiah te audition an neih hnuah Aizawl Audition an nei leh a, audition-ah hian mi 314 inlanin, First Round intihsiakna hmachhawn turin mi 117 an tling a, chuta tang chuan Top 30 an thlang leh ta a ni.
Top 30 intihsiak hi October ni 24 leh 25-ah te neiin, heta tang hian Top 10 thlangin, Top10-a tling te hi November ni 7 leh ni 8 zanah lengkhawm hla leh mahni hla duhzawng hmangin an intihsiak leh a, November ni 8 zana hian Top 5-a tling te an puang nghal a, Top 5 finalist-te hi November ni 21 zanah intihsiakin, November ni 22 zanah grand finale neiin result an puan ta a ni.
Praise On hi a vawi khat nan 2016 khan buatsaih a ni a, hemi kum hian R. Lalrinmawii winner niin, Praise On mal zai intihsiak hi a vawih hnih nan 2022-ah nei lehin, Malsawmdawngzuali winner a ni a, Praise On mal zai intihsiak vawi hnih neih tawhah hmeichhia ve ve pakhatna niin, kumin, a vawi thumnaah mipa winner an awm ve ta a ni.
Praise On-ah ian Pakhatnain lawmman Rs 1,20,000 a dawng a, Pahnihna-in Rs 70,000 leh Pathumnain Rs 50,000 dawngin, Top 5 a lang, top three thleng ta lo ten Rs 15,000 an dawng a, Top 10-a lang, top 5 thleng lo ten Rs 10,000 theuh an dawng bawk.