Kg.29-a rit meth man

Kg.29-a rit meth man
Ruihhlo kalkawng Mizoramah tunhnaiah ruihna atana hman chi siamchawp man a tam a, Mizoram Police chuan tum khata Mizorama heroin man tam ber tum an man hnu lawkah ruihna atana hman chi tho methamphetamine kg. 29 chuang an man.
Mizoram Police hnuaia CID (SB) leh Special Narcotic Police Station tangdun chuan November 28 zing dar 12.30 vel khan Zemabawk Tawngtai Mualah lirthei pakhat, Scorpio MZ-01 AB 5750 atangin methamphetamine fun 30, kg. 29.289 a rit chu Tlangthanmawia (30) Tahan E- Group, Myanmar hnen atangin an man a. Special Narcotic PS-ah thubuai ziahluh a ni. He thil hi Burma atanga lo lut, Champhai district Zokhawthar atanga lokal nia sawi a ni.