Mitdel tan library siam leh
Sap tawng zirna siam ngen
Khaw hmu fiah lo te tan library siamsak leh sawrkar hnaa lut tawhten Sap tawnga hma an sawn theihna atan Braille leh large print-a a zirna siamsak turin Mizoram Blind Society chuan sawrkar thuneitute a ngen.
Mizoram Blind Society (MBS) hian Ningani khan Aizawlah khaw hmu fiah lo hmeichhiate tana an dikna chanvo leh hamthatna inhrilhhriatna a buatsaih a. Women & Child Development director Zoramthangi Chhangte chuan hmanpuiin, danin hmeichhiate a humhalh theih dan a sawi. Saksham Trust New Delhi-in a thlawna MBS member-te tana tiang ruahman bik ‘blind stick’ siam 50 chu a sem nghal a ni MBS hian Mizorama mitdelte hmasawnna atana an thurel zingah, mitdel tan a hranpaa library din a nih theihnana hma lak; mitdel zirlaite leh khaw hmuh fiah lo sawrkar hna thawk tawhten Sap tawnga hma an sawn theihnan mitdel hawrawp (Braille) leh large print-a Sap tawng zirna siam; mitdel leh khaw hmu fiah loten awlsam zawka computer screen reading software hmanga an zir theihna atan hma lak a, computer short cut key Mizo tawnga siam leh, chu chu Braille leh large print-a print a, a thlawna a mamawhte hnena sem a tel.
Sawrkar laipuiin India ram puma rualbanlote humhalhna tur dan a siam – The Rights of Persons with Disabilities Act 2016 leh Rights of Persons with Disabilities Rules 2017 Mizo tawnga lehlin chu Mizorama mitdelte leh khaw hmuh fiah loten awlsam zawka an lo chhiar ve theihnan Braille leh large print-a siam tura hma lak a tel bawk.
Mitdel tan library siam leh Sap tawng zirna siam ngen
Get real time updates directly on you device, subscribe now.
Prev Post
Next Post