UK diplomat leh Syria hel pawlten inbiakna nei
Bristish diplomat te chuan Syrian hel pawl, Hayat Tahrir al-Sham (HTS) hruaitute nen inbiakna an neih thu sawiin, president Bashar al-Assad-a paihthlak a nih hnu kar khatnaah ram hruaitute hi an inbiak thu an sawi.
He an inbiak thu hi hel pawl lam pawh hian social media lamah tarlangin, HTS hruaitu Ahmad al-Sharaa – Mohammed al-Golani tia hriat thin chuan Syria khawpui Damascus-ah senior official te a kawm lai an tarlang a ni.
Hel pawlte hian an thlalak tih lan zingah chuan UK aiawha inbiaknaa tel Ann Snow pawh tilang telin, an ramchhunga thil thleng hrang hrangte chu inpawh taka sawiho a nih thu an tarlang.
Hemi hnu hian HTS hruaitu Al-Sharaa chuan interview nei nghalin, an ram dan tam tak Assad-a sorkar hnuaia siamte chu tihdanglam leh thlak a nih thu a sawi a, Syria ram laka hrekna lek zawng zawngte hlih leh HTS chu firfiak pawl anga puang tawh lo tura tihna te pawh UK diplomat-te nena an inbiaknaah hian sawi lan a nih thu a sawi.
Hetiang hi a thleng a nih chuan eng lai pawha inbiakna neih chhunzawm leh thawhhopui turin ram hrang hrangte lakah an inhawng reng tih a sawi a, mahse a thleng thei lo a nih chuan eng inbiakna mah neih tawh loh nise an tih thu a sawi bawk.
UK diplomat leh Syria hel pawlten inbiakna nei
Get real time updates directly on you device, subscribe now.
Prev Post