Eptu VC-te zingah sawrkar ruahman tibuai duh an awm – ZPM president

Eptu VC-te zingah sawrkar ruahman tibuai duh an awm
– ZPM president
Opposition VC zingah sawrkarin khawtlang hmasawnna tura ruahmanna a siam lo tikhawlhkhawm duh an awm tih ZPM president Lalliansawta chuan a sawi.
Lunglei West bial a fannaah ZPM hruaitu Lalliansawta chuan, ZPM party din chhan chu kan rama development kai rual loh vang leh ram rorelna felfai tawk loh vang a ni ber a, chu chuan khawtlang thlengin nghawng nasa tak a nei tih a sawi. “Opposition VC awmna hmun thenkhatah chuan sawrkarin khawtlang hmasawnna tura ruahmanna a siamte lo tikhawlhkham duh an awm tlat a ni,” a ti.
Kalphung thar mipui sawrkar hmalakna mipui hnena tha zawka a thlen theihnan ZPM VC neih ngei a tul hle tih a sawi a. ZPM party a din hnu in kohhrana Pathian rawngbawltuten ram veina thinlung an pu thar hle a, ram siamthat a tul zia hriain, Pathian rawngbawltu mi tam tak he party-ah hian an haw khawm a, kan ram tungding turin ke an pen ho mek tih a sawi a ni.
Lunglei West bialtu MLA T Lalhlimpuia pawhin opposition party-ten sawrkar lai an beih thinna chu an hrechiang lo hle a, an mahni mawng an hlim mek tih tih a sawi. Sawrkar hmasate hun laia ruahmanna dik tawk lo leh felfai tawk lo vangin an bei mek a. Mahse Pathian leh mipuiin thil awmzia an hai bik loa, a vawtuten ek an cheh mek tih a sawi.