Minister-in NH-6 thawmthat mek endik

On Feb 3, 2025 11 0

Minister-in NH-6 thawmthat mek endik
PWD minister Vanlalhlana hoin National Highway-6, Kawnpui leh Khamrang inkar kawng thawmthat mek chu Mizoram Truck Owners Association (MTOA) hruaitute leh PWD official-te nen a hmunah an endik.
NH-6 kawngpui hi sawrkar chuan a ngaipawimawh hle a, mutmawh hnarmawha neiin a thawmthat hna theihtawpin thawk mek tih PWD minister hian a sawi a. Hmalakna kal mek chak leh tha taka thawh a nih theihnan tunhnaiah a tum hnihna atan a tlawh tih sawiin, hnathawktute chu theihtawp chhuah zel turin a fuih.
MTOA hruaitute chuan NH-6 kawngpui chu Mizoram PWD kawng enkawl ni lo mah se, mipui ei leh bar chawkluhna kawng ber a nih avangin minister-in rang taka a thawmthat hna thawka hma a laknaah lawmthu an sawi a. MTOA president B Lalzarzova chuan an harsatna tawhte minister-in hriatpuiin, karkhat chhung leka an beisei aia rang leh thaa kawng siam hna PWD-in a thawk chu an lawm tih a sawi a ni.
PWD minister hian Durtlang leh Sihphir inkar kawng siam mek pawh a tlawh nghal a ni.