MCC bawhchhiaah CM puh

On Feb 10, 2025 11 0

MCC bawhchhiaah CM puh
Local council/ village council inthlan puan hnua a thusawi avangin chief minister leh ZPM hruaitu pakhat chu an thusawi chhuizui a ni a, insawifiah tura tih an nih angin an insawifiah.
MNF Gen. Hqrs. secretary J Rosangpuia chuan February 6 khan State Election Commission Mizoram hnenah complaint thehlutin, February 3-a Kawnpuia nitin chhuak chanchinbu ‘Chhuahtlang’ leh ‘Thingdawl (News) Whatsapp group-a tihchhuahah, ZPM Tuirial West Block hruaituten a pisa-a chief minister Lalduhoma an hmuh tumin, model code of conduct-a sawrkar lai chelhtu party emaw mi pawimawh khuahkhirhna leh sawrkar policy thar lam hawi puanchhuah tih loh tura tih chu bawhchhiat a ni, tiin, a rang lama action la turin a ngen a ni.
CM hmuhnaa an thlalak nia sawi leh heng thu inziahna document chu SEC hnenah hian a thehlut bawk.
Hemi ang hian Pu Lalduhoma hian insawifiahna thu SEC-ah a thehlut a. ZPM Tuirual Group hruaitu pakhat, Thingdawl VC inthlan tura ZPM official candidate ni bawk chu insawifiah turin Kolasib district election office kaltlanga tih a ni bawk a. Vawiin, Fenruary 10 hian SEC chuan an insawifiahna hi a ngaihtuah dawn a ni.