Taksa atanga til tha lo paih dan awlsam

Kan taksaa thil tha lo paih chhuah nan kan ei leh in hian a thawh hlawk thei hle niin mithiam ten an sawi a, Times of India health section-in chutiang atana chaw tha ni a sawi te kan rawn tarlang e:
1. Purunvar: Purunvar hi pum leh ril tan damdawi tha tak a ni a, chumi piah lamah kan taksaa thil tha lo awm te paihchhuaktu tha tak a ni bawk. Purunvar kan ei hian kan thin (liver) chu tur paih chhuak thei enzyme a siam chhuak a, chu chuan kan digestive system-a thil tha lo awm te a paih chhuak thei.
2. Green tea: Green tea chu intih cher nan a tha hle a, chutih rualin kan thin hnathawh a tichak a, taksain natna a do let theihna tichakin thahrui a tichak bawk. Kan thinah antioxidant tam tak a tichhuak a, chu chu kan taksa atanga thil tha lo paih chhuaktu tha tak a ni.
3. Sawhthing: Anti-inflammatory properties a neih avangin hliam leh pem bakah infection vanga taksa vung tur a veng thei a, digestive system tan a tha hle bawk. Sawhthing chu i thingpui in turah emaw, chawhmehah emaw telh la, a hlang pawhin ei mai theih a ni. Tichuan, i taksaa til tha lo leh hlauhawm awm te i paih chhuak thei dawn tihna a ni.
4. Zikhlum: Nutrient leh fibre bakah vitamin leh minerals a pai hnem hle a, taksa a thil tuiril chuangtlai paihchhuaktu tha tak a ni bawk.