State Special ration package dawngtu 29000+ awm tawh

State Special ration package
dawngtu 29000+ awm tawh
Mizoram sawrkarin khawsak harsa zawkte tana scheme a duan hnuaiah ration buhfai man tlawma dawngtu 29785 an awm tawh
Food Civil Supplies & Consumer Affairs department chhinchhiah danin, 2024 December atang khan Mizoram State Special Ration Package hman tan a ni a; he scheme hnuaiah hian mi pakhat tan buhfai kg.8 zela sem a ni. He scheme thar hnuaiah hian 2024 December 31 thleng khan Mizoramah ration card 7652 leh beneficiary 29785 chuang an awm tawh a ni.
Antyodaya Anna Yojana (AAY) hnuaiah Mizoramah ration card 25750 awmin, beneficiaries 62964 vel an awm a. Priority Household (PHH) hnuaiah ration card 150555 awmin, beneficiaries 633980 vel an awm. Tunah hian Mizoram puma non-NFSA hnuaia ration card zawng zawng chu 106589 niin, beneficiaries 441902 an awm a ni.
AAY hnuaiah hian thla tin sawrkar laipui atangin buhfai quintal 9054.50 leh PHH hnuaiah quintal 32047.65 a thlawnin pekchhuah a ni a. Hemi atanga quintal 13696.18 chuang chu quintal khatah Rs.830 hisap zela lei (tide over hnuaiah) a ni. Sawrkar laipuiin a pek bakah hian PDS kaltlanga sem chuah tur mamawh belh chu need-base in open market-ah sawrkar approved supplier kaltlangin lei belh leh thin a ni bawk.
Sawrkar hriatpui welfare home leh tribal hostel thenkhat hnena man man zawk (subsidized rate) a pek thin chu thawk khat lai khan tihtawp lailawk a ni tih FCS&CA department chuan a sawi a. Sawrkar laipui hnenah ngenna thlen niin, he scheme hi chhunzawm leh a ni. He scheme hnuaiah hian tunah buhfai quintal 2212.20 vel institution 203 leh an enkawl lai mi 14748 hnenah pek thin a ni.