Skateboard a tawlh thiam uiin record siam

Skateboard a tawlh thiam uiin record siam
A neitu ten Coda Asano tiin a hming an phuah, Cocker Spaniel a ni a, Japan-ah a awm. Khawlaia skateboard-a han tawlh vel pawh nuam a ti thin khawp mai. Tichuan le, Coda chuan Italian TV series Lo Show dei Record-ah a thiam thil entirin, Guinness World Records a siam.
Mi 40, ke karin an ding tlar a, an kap karah Coda chu skateboard-in a tawlh tlang a, ui zinga mihring dingtlar ke kar hnuaia tleng thui thei ber record a siam.
Coda hma hian ui pakhat, skateboard tawlh nuam ti zet mai Otto a awm a, Otto hi chu Bulldog a ni ve thung a, hetiang record siam hmasa ber a ni a, 2015 khan mi 30 ding tlar ke kar hnuaiah skateboard-in a tawlh tlang.
Coda neitunu Satomi Asano hi Japan-a ui enkawlna neitu a ni a, ui hlim leh hrisel taka an awm theih nana a enkawl thin a, training technique chi hrang hrang hmangin a ui enkawl te hi a zirtir thin. Satomi chuan ui te chu hrem leh vau aiin zaidam leh nun nem taka thil zirtir zawk tur niin a sawi a, Coda pawh hi a lo active zawk theih nan a intihhlim nan tiin stakeboard tawlh hi a zirtir niin a sawi a, “Fak leh duat takin ka zirtir a, a thiam rang zawk a, kan inzawmna pawh a nghet duh zawkin ka hria,” a ti.