School thlanbikah random exam

School thlanbikah random exam
Mizoram district 9-a school thlan bikah Zirtawpni khan pawl 3 leh pawl 6 zirlai tan random examination buatsaih a ni a. Primary school 217 leh middle school 107 atangin zirlai 2950 chuangin exam an hmachhawn.
Random exam-ah hian zirlai hi common question chhantir niin, exam hi OMR sheet hmang veka buatsaih a ni. Hei hi National Education Policy (NEP) 2020-in a tum tihhlawhtlinna atana rahbi thar pakhat niin, zirlaibuin zirchhuah pui a tum – learning outcomes a zirchhuah tir em, tih hriatna atan a pawimawh hle tura ngaih a ni.
Tun tuma zirlai exam hmachhawnte tan hian SCERT chuan pawl 3 leh pawl 6 completion certificate a pe dawn a. Exam kalpui dan tur inzirtirna hi kumin February 18 khan SCERT hnuaiah neih a lo ni tawh a ni.