Football titi
C Manchester United chuan Tottenham atangin kum 32 mi South Korea forward Son Heung-min lak an rilruk. (Fichajes – in Spanish)
C Manchester United hian kum 20 mi Bayern Munich midfielder Aleksandar Pavlovic leh Aston Villa ah loan a khel mek England forward Marcus Rashford te inthleng an tum bawk. (Caught Offside)
C MLS club thar San Diego FC chuan kum 33 mi Belgium forward Kevin de Bruyne chu free transfer a la lut turin inremna an neihpui thei tep tawh. De Bruyne hian season tawp hunah City-a a contract neih mek a hmang zo tawh dawn a, Etihad Stadium a chhuahsan tawh ngei tura ngaih a ni. (TBR Football)
C Real Madrid chuan EPL club lian Liverpool, Chelsea leh Manchester United ten lak tuma an ngaihven RB Leipzig leh France centre-back Castello Lukeba chu lak an tum ve dawn. (Mirror)
C Everton manager hlui Carlo Ancelotti chuan English defender Jarrad Branthwaite chu Real Madrid-ah la lutin thawh dun leh a duh. (Mirror)
C Chelsea manager Enzo Maresca chu Aston Villa lakah Dane Filip Jorgensen tihsual vanga goal an chhuah danah a lawm lo viau a, nipui bazar inhawn hunah si nghak lak tur a dap dawn. (Express)
C Nottingham Forest, Newcastle United leh Everton te chuan kum 23 mi Marseille forward Luis Henrique an thlithlai hlawm. (TBR Football)
C Juventus chuan Feyenoord leh Slovakia defender David Hancko lak an duh. Kum 27 mi hi EPL hmahruaitu Liverpool pawhin lak an duh naa Anfield pan aiin Turin pan a thlang zawk thung. (Tuttosport – in Italian)
C Barcelona chuan Liverpool leh Colombia forward Luis Diaz chu nipui bazar tura an inruahmanaah an ngaih pawimawh zingah an tel. (Diario AS – in Spanish)
C Chelsea chuan nipui bazar inhawn hunah French defender Loic Bade chu Sevilla atangin lak an tum. Blues hian kum 24 mi Bade manah 30m euros (£24.9m) sen an huam. (Fichajes – in Spanish, external)
C Liverpool chuan nipui bazar inhawn hunah striker thar lakna tur sum tuak nan Colombia forward Luis Diaz hralh an tum. (Football Insider)
C Arsenal chuan Juventus striker Dusan Vlahovic an ngaihven nawn leh. Italian club lian Juventus hian Serbian forward hi 40m euros (£33m) velin an hralh phal tawh. (CaughtOffside)
C Gunners kum 15 mi St Johnstone defender Callan Hamill an dawr fel tawh, nipui bazar inhawn hunah an la lut ang. (Mirror)
C Manchester United, Liverpool leh Chelsea te chuan Real Madrid in lak an tum RB Leipzig leh France defender Castello Lukeba chu lak khalh an tum vek hlawm. Lukeba hi a lakchhuah theihna zat chu 90m euros (£74.5m) a ni. (Daily Briefing by Christian Falk – subscription required)
C West Ham chuan nipui bazar inhawn hunah free transfer a lak theih tur Lille leh Canada striker Jonathan David lak tumin an ngaihven thar leh. (Guardian)
C Nipui bazar inhawn hunah Manchester United in lak an tum tia club lian United nen sawi zawm an ni chuan Royal Antwerp goalkeeper Senne Lammens a tilawm hle. (90min)
C Bayern Munich chu nipui bazar inhawn hunah inthuahfai an tum dawn a, German player pahnih; midfielder Leon Goretzka, forward Serge Gnabry te bakah French winger Kingsley Coman te hralhchhuah an tum a. Osasuna-ah loan a khel mek Spain forward Bryan Zaragoza pawh chhuak thei dinhmunah a ding mek bawk. (Daily Briefing by Christian Falk – subscription required)
C An forward pawi mawh Alexander Isak ch^n thei dinhmunah ding mah se Newcastle United an lungngai lo. Newcastle United hian Sweden striker Alexander Isak manah £150m zet an chhiar a, hetiang zata lei ngam an awm an ring lo. (Teamtalk)
C Newcastle hian Burnley goalkeeper James Trafford chu mimal inremna an neihpui tawh a, nipui bazar inhawn hunah km 22 mi hi St James Park-ah an hruai luh theih ngei hmel. (Fabrizio Romano)
C Burnley chuan Newcastle United in lak an tum Tafford manah hian £30m an chhiar. (talksport)
C Manchester United in ngaihven bawk mah se AC Milan leh France left-back Theo Hernandez chuan Real Madrid zawm a duh zawk. (Fichajes – in Spanish)