West Ham an chak zawn

February 27, Ningani zan khan English Premier League (EPL) khelh chhunzawm niin inkhel pakhat a awm. Pathianni zana Arsenal hnehtu West Ham United chuan an mikhual Leicester City an hneh a, a zawnin an chak.
Season kal meka cheTha tluang hleithei lo, an talbuai vanga an manager pawh ban hial Hammers hian Graham Potter hnuaiah hma an sawn a, Arsenal leh Leicester City laka an chak zawn vangin hmun him lamah an inhlangkai fel thawkhat tawha ngaih a ni ta hial. Khelh 11 khelh hmabak an la neihah hmasawn leh zual tumin Tan an khawh zui ang.
West Ham hian an mikhual Leicester City lakah bul an Tan Tha a, inkhel Tan aTanga minute 21-naah Tomás Soucek chuan hmahruaina goal a thun. Soucek goal thun hnu hian goal a luh belh thei lo reng a, chawlhlawk dawn hnaihah mualneitu an vannei nawn leh. Minute 43-naah mikhual player Jannik Vestergaard chuan an lamah a ti-goal palh hlauh a, mualneitu goal hnihna thunsak in, si hnih faia hnufual chungin chawlhlawk an hmang.
Chawlhlawk hnu lamah inkhel a hmuhnawm chhunzawm viau naa goal dang a luh belh tawh lo a. Hammers in an mualah hnehna changin point thum hlu tak an hmu.