Oil depot atan thlan tur pahnih

Oil depot atan thlan tur pahnih
IOC Ltd-in tuialhthei dahkhawlna (oil depot) atana ram an mamawh angin hmun hrang hrang enkual zing atangin hmun hnihah thlur bing a ni a, heta tang hian an duh zawk an thlang dawn.
Assembly Session-a FCS&CA minister B Lalchhanzova sawi danin, oil depot hmun tur hi sawrkar hmasa lam atanga buaipui tawh niin, sawrkarna an chelh hnu ah an bawhzui a, chanchinbu kaltlanga tender an chhuah hnu ah mi 41-in expression of interest an thehlut a, ram 9 endik chu FCS&CA leh IOCL aiawh telna joint team-in nikum khan tum hnih an endik a, ram pahnih – Mualkhang leh Sihhmui ami thlurbing niin, a leilung dinhmun leh mual awm dan zawng zawng zirchian vek a nih hnu ah IOCL chuan an duh zawk an thlang mai dawn tih a sawi a ni.
Mualkhang Gas Bottling Plant chu sawrkar hmasa hunlaiin Prime minister hawntir tum thawm a awm a, an sawrkar tirhah hawn tir ngei tumin chief minister pawh bawhzui turin a ngen fo a, an han zirchian hnu ah hawn mai theih chi a ni lo tih an hmu chhuak ta ti B Lalchhanzova hian a sawi. Sawrkar hmasaa ram pek belh nia sawi chu land lease a lo la fel loa, tunah chuan an tifel tawh tih a sawi.
A cheithatna atana cheng vaibelchhe 225 sanction a ni a, forest clearance la tihfel loh pawh tihfel thuai a ni dawn tih a sawi bawk.