Hollywood star Val Kilmer a thi

Hollywood star Val Kilmer a thi
Hollywood star Top Gun leh Batman Forver-ah te pawh lo chang tawh, Val Kilmer, kum 65, chu an rama April ni 1 khan pneumonia avangin a thi.
Val Kilmer hi 1986-a film hit tak Top Gun-ah khan Tom Cruise te nen changhoin, Tom ‘Iceman’ Kazansky lemah a chang a, 1995-a superhero film hit tak ‘Batman Forever’-ah Batman lemah a chang bawk.
Val Kilmer hi 2014 khan a hrawk a cancer tih hriatchhuah a ni a, a cancer inenkawlna chungchang hi a puangzar ngai vak lo a, 2020 khan interview-ah a inenkawl dan vel leh cancer survivor a nih dan te hi a sawi chhuak chauh a ni.
2020 kan memoir ‘I’m Your Huckleberry’ a tlangzarh a, hetah hian a tawih hlui Cher a fak hle a, an cancer treatment-ah pawh a vir buai pawlah a tang niin a tarlang a, tracheotomy a tih dawn pawhin Cher hian damdawi inah a kalpui niin a, chemotherapy a lak thinnaah pawh Cher hian a kalpui tam hle niin a tarlang bawk.
Val Kilmer hi film hrang hrangah changin, chung zingah chuan 1988 a tlangzarh ‘Willow’, The Doors (1991), ‘True Romance’ (1993), ‘Heat’ (1995) leh ‘Kiss Kiss Bang Bang’ (2005) te pawh a tel.
A documentary ‘Val’ chu 2021 khan an tichhuak a, lemchan lama a hming lanna hnuhnung ber chu 2023-a tlangzarh ‘Top Gun: Maverick’ kha niin, 1986-a Tom Cruise te nena an channa ‘Top Gun’ film chhunzawmna a ni.