State service-ah mi 34 tling thar

State service-ah mi 34 tling thar
Mizoram Civil Services (Combined Competitive) Examinations 2024 written exam leh personal interview paltlang mi 34 an awm thar.
Mizoram Civil Services-ah mi 15 an tling a, an zinga pakhat hi Persons with Benchmark Disabilities ( quota-a tling a ni. Mizoram Police Service-ah 8, Mizoram Finance & Accounts Service-ah 8, Mizoram Information Service-ah 3, an vaiin 34 an tling a ni.
A pumpuiah Samuel Malsawmzuala s/o JH Laldingliana, Serchhip chu a titha ber a. Lalhriatpuii Phutin d/o Lalrinmawia, Serkawn Lunglei chu pahnihna niin, pathumna chu Vanthangpuia s/o C Hratlianhnuna, Nursery Veng Aizawl a ni. PwBD reserved-a MCS tling hi hriatna lam chak tawk lo (partially deaf) a ni.
MCS-a tling zingah hna zawm duh lo emaw bang leh emaw thi emaw an awm a nih chuan kum khat a la ral lo a nih chuan MF&AS-a tling-a mark hmu tha zual mi 5 hi service an thlan lawk dan en tel chungin, an duh chuan MCS-a seat ruak awm hi zawm thei turin ruahman a ni. MCS ni lo, service dangah pawh a chunga tarlan anga hmun awl a awm a, anni’n an duh zawk a nih chuan duh thlang thei tur dah lawk an ni. PwBD reserved-ah waiting list-ah pakhat a awm bawk.
Mizoram Public Service Commission chuan Mizoram Civil Services (Combined Competitive) Exam 2024 atan hian 2024 June 27 khan Aizawla centre hrang hrangah leh district headquarters tinah preliminary exam a buatsaih a. Diltu 5854 awmin, prelim examinations paltlanga main examination hmachhawn thei 346 an awm.
Prelim eamination paltlang mi 346 atangin mi 319-in 2024 October 22-25 khan Aizawl leh Lungleiah main examination an nei a. MPSC guidelines hman mek angin personal interview nei turin mi 68 (66+2) an tling. Kumin April 22-30 chhung khan neiin, candidate mi 68 hi an inlan vek a, an zing atangin 34 an tling ta a ni.