Health care scheme tharah hma la turin larsap an ngen

Health care scheme tharah
hma la turin larsap an ngen
Mizoram Universal Health Care Scheme (MUHCS) hman tan mekah mipui harsatna la awmah hma lakpui turin Aam Admi Party chuan larsap an ngen.
Mizoram AAP hruaitute chuan Ningani khan larsap Gen. Vijay Kumar Singh an hmu a, 2025 April 1-a hawn tan Mizoram Universal Healthcare Scheme (MUHCS) chu tun thlengin mipui tam zawkin an la hmang tangkai thei lo tih hrilhin, Non Govt. Hospital Association of Mizoram (NGHAM) a tel private leh kohhran damdawi in tam zawkah he scheme hi a hman theih loh avangin damlo tam takin harsatna an tawk mek niin an sawi.
NGHAM-in he scheme an zawm theih loh avanga mipui harsatna sutkian a, hma lakpui theih dan tur larsap hi an sawipui tih an sawi a. Larsap hian mipui harsatna tawh mek chu a rang thei anga hma lakpui a lo tiam tih an sawi a ni.
Mizoram AAP thuchhuak chuan, Health minister leh Health department official-ten Thailand-ah health care system zirin an kal a. MUHCS hman a nih tawh hnuah zirchiang tura an kal leh hnuhnawh chu mipui hmaa sawifiah tura an phut tih sawiin, AAP chuan he scheme hi mipui bumnaah an ngai a, a rang thei angin mi zawng zawng hman theih turin he scheme hi chhawp chhuah nise an duh tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More