Misual lemah Billie Eilish a chang
Billie Eilish chu lemchan khawvelah a zuang lut ve ta a, Prime Video ‘Swarm’-ah inlanin, nula sambuang, hypnotist, a kut zungtang hmeh rik khep a midang thil tih tir zung zung thei, a sual zawnga a thiam hman tum lemah a chang.
Billie Eilish hi lemchan khawvela a luh tur thu hi puan lawk pawh a awm hran lo a, ‘Swarm’-ah hian a inlan deuh thut a ni ber mai. A video clip an tihlanah chuan a kut zungtang han hmet ri khepin, Dre (Dominique Fishback) chu a hming Kayla tiin a thlak tir mai a, chumi hnuah Billie character chuan, “I thil tih tawha i inchhirna te min hrilh teh,” a ti leh a, chutah chuan Dre-a’n thil tha lo chi hrang hrang a tih lai te a rawn lang a, crime scene a tifai lai te pawh a lang.
A office-ah Billie character chuan Dre hnenah, “Tu emaw i tawk sil deuh tawh em?” a ti leh a, Dre chuan ‘aw’ ti a a chhan hnuah Billie chuan, “A tha dawn e,” a ti leh sap bawk.
Swarm hi Donald Glover leh Janine Nabers te siam niin, a thawnthuah chuan Dre chu a lailum changtu a ni a, pop star atchilh neiin, chu chuan thil tha lo tak tak a tih tir ta a ni. He film-ah hian Billie lo pawh milar inlan tur an awm nual a, Chloe Bailey, Paris Jackson, Rockey Thompson leh Rory Culkin te pawh an inlan ang.
He limited series hi Beyonce bechhan deuha a siam niin a lang a, a thawnthu lailum changtu, pop star pakhat, Ni’Jah lemah Nirine S. Brown a chang a, Ni’Jah hian Beyonce nen inanna an ngah riau.
Misual lemah Billie Eilish a chang
Get real time updates directly on you device, subscribe now.
Next Post