Pasal Then vanga diriam hlawh Mary Kom!

Pasal Then vanga diriam hlawh Mary Kom!
Indian boxing legend leh Olympic medallist ni bawk MC Mary Kom chuan hun harsa leh khirh ber ber a hmachhawn chhoh lai leh chhangchhe nu a nih lai pawha a hnunga ding tlat, a boxing zinkawng hlawhtling taka mi pawimawh em em nia ngaih a pasal pawmlai Thenin hun engngemawti aTang khan sumdawnna lama a thawhpui Hitesh Chaudhary a kawp ta a, social media lamah diriam leh chhaihnawmnah (troll) a hlawh ngang mai!
Media lama an sawi dan chuan, a pasal Then tak kha Manipur Assembly inthlanah ding turin a nawr a, a tling zo ta si lo a, kha mi aTang khan an inkar thu a chhe chho Tan ta tih a ni a, hei hi a rintlak chiah em tih hriat a ni lo.
Mary pasal hlui ni ta Karung Onkholer (Onler) kha tun hma chuan infiammi ve tho, footballer niin, an intawn Tan dan pawh kum 2000 khan Bangalore pana rel-a a zin laiin Kom nula hi misualin a luggage an ruksak a, chu mi a buaipuina lamah an intawng ta a ni.
National Games khel tura Punjab a pan laiin chu tih laia Delhi University-a law zir mek Onler nen chuan Delhi-ah inhmu lehin, North East students body-ah Onkholer chu president-te a ni chho a, Mary pawh hi a pui Thin a; Thian Tha tak ni chhoin, a hnu lamah chuan an lo inhmelduh zui ta a, kum 2005 khan inneiin, kum 2007-ah fapa phir an hirng a, kum 2013-ah fapa dangin an chhungkua a belh leh bawk.
Nu berin boxing a khelh a ngai a, phir pawm bawk nen pa ber a buai thei hlein a rinawm a; chuti ang hun harsa an sualchhuah zawh hnu, Mary Kom pawh khawvela hmeichhe boxer hlawhtling berte zinga mi leh Rajya Sabha MP hial a nih hnu December 2023 khan Kom hnam danin an inThen zui ta mai a ni.
Kum 1982 November ni 24-a piang May hi a hmingpum chu Mangte Chungneijang ‘Mary’ Kom niin, hminglemah ‘Magnificent Mary’ tih a ni.
Hmeichhe zinga World Amateur Boxing Championship-a vawi ruk champion thei awmchhun niin, World Championships hmasa pasariha medal awrh kim vek thei hmeichhe boxer awmchhun ni bawkin, mipa leh hmeichhia thliar loa World Championship medal pariat awrh thei boxer awmchhun a ni bawk.
Indian female boxer zingah 2012 Summer Olympics khel tura tling awmchhun niin, International Boxing Association (amateur) hnuaia ranking-ah female light-flyweight world No. 1 a ni tawh bawk.
Kum 2014 khan Incheon, South Korea-ah Indian female boxer zinga Asian Games gold medal dawng hmasaber ni bawkin, 2018 Commonwealth Games-ah Indian female boxer zinga gold hnekchhuak hmasaber a ni bawk.
Asian amateur boxing champion vawi ruk ni thei awmchhun niin heti lamah pawh record a siam a; Indonesia rama President’s Cup-ah 51kg gold a awrh tawh bawk.
Chuti taka hmeichhe boxer hlawhtling chuan chhungkaw nu Tha tak nihna pawh a chhawmnung zel nia a lan laiin a pasal nena an inThen thu leh vai a kawp thu a tlangthang ta chiam a; tunhnai lawk media interview-ah a kawppui Hitesh Chaudhary chu a pasal pahnihna leh sumdawnna lama a kawppui tiin a sawi a, chu chuan social media lamah thawm lian tak a chhuah zui ta a ni.
Intinula Tha leh tih takah intinalh angreng taka a thlalak thar social media lama a phochhuahte chuan nasa taka ‘troll’ a hlawh zui ta a; a inhmehlohzia leh a pasal fanaute ngaihsak zawk tura tihna thu dengkhawng tak takin an chhu zui mawlh mawlh a; online comment na tak takin a deng bur bur a ni ber!
Facebook hmangtu tam zawk chuan Mary Kom thu post leh thlalak tarchhuahte chu nuihza siamna’n tak an hman loh leh sawiselna thu awmkhauh pui pui nena chuk zuina’n an hmang luai luai a; ti chung chuan thlalak thar han phochhuah mai pawh chu a tim phah em em chuang lo nite’n a lang a!
|henkhat chuan, “May, i hringnuna hun thim a inTan ta,” tih te, “Marry hian gold a mamawh a ni, marieGold biscuit kha pe rawh u,” tih te, ‘gold digger’ a ni tih te, “A pasal a Then hnu hian Marji Kom,” tih tawh tur tih te, “Sachin Tendulkar hian engtikah nge Mary Kom ni nupuia a neih ang tih ka ngaihtuah,” ti tawkte an awm nawk mai!
Manipur tlangmi a nih angin Mizote leh tlangmi dangte pawhin a chungchang thuah hian ‘comment’ an pe ve bawk a; hun harsa leh buaithlak ber ber laia a hnunga ding tlat a pasal leh a rilra rah a fate ngaihsak zawk tura thurawn pe pawh a Zo a vaiin an kat nuk bawk!
Comment tuitang lo tak takin a den mawlh mawlh lai hian Mary Kom emaw a team lamin emaw official-a insawifiahna leh chhanletna lam an tihchhuah awm thawm hriat tur tun thlengin a la awm lo thung.
Mizoram sawrkarin chawimawina hlan paha sum engemawzat a pek Tuma Aizawla anmah kawmtu chanchinbumite hmaa ‘Kom chu Kom, Mizo chu Mizo’ titu Mary Kom pasa pahnihna nia a sawi Hitesh Chaudhary nihna dik tak leh Mary laka a dinhmun pawh hi chiang taka hriat a ni rih lo a, a hman hmanin an la diriamin, an la chhaih chhunzawm a ni ber rih e!