Online-a thil chah thubuaiaha thlawnin a chahtu pe turin ti

Online-a thil chah thubuaiah
a thlawnin a chahtu pe turin ti
District Consumer Disputes Redressal Commision Champhai chuan online-a thil chahnaa thubuaiah courier service chu a thlawna chahsak leh a, a hnena deliver turin a ti.
Commision hian tunhnaia thubuai pahnihah thuthlukna a siam a. Pakhat zawk hi online-a bungraw chah, a chahtu hnena Delhivery Champhai-in a deliver loh chungchangah a ni. Delhivery Champhai hian thubuai thlentu bungraw chah an deliver tak loh hi anmahni insengsoin an chah leh anga, advertisement-a a lan angin hun tiam chungin he bungrua hi thubuai thlentu hnenah deliver turin Commission hian a hriattir. Bungrua deliver a nih hmain delivery agent-te chu bungraw chahtute OTP dil tawh lo turin a hriattir bawk.
Pakhat zawk hi Mizofed manager Champhai laka thubuai thehluh a ni a. Gas cylinder-a tui tling chungchang a ni. He thubuaiah hian District Consumer Disputes Redressal Commission chuan Mizofed manager hi thubuai thlentu gas lak chu tui a awm ngei em tih enfiah turin a ti a. Thubuai thlentuin a puh anga a gas laka tui a lo tling a nih chuan gas cylinder thar (14.2 kg) a thlak turin a hriattir.