MSME hmasawnna tur dapinstate sawrkar kalphung rawn zir

MSME hmasawnna tur dapin
state sawrkar kalphung rawn zir
Sawrkar laipuiin MSME (Micro, Small & Medium Enterprises) te tana awlsam zawka sawrkar kal tir dan zawng tura a din – Task Force on Deregulation and Reduction of Compliances Burden member KK Pathak leh a thawhpuite chu Mizoramah an lokal a, Zirtawpni khan chief minister Lalduhoma an kawm.
Task Force hmalakna chuan India leh Mizoram tan rah tha a thlen a beisei tih chief minister hian sawiin, ease of doing business lama a kaihhruai sawrkarin hma a lakna tlangpui a lo hrilh. Kal dan tha zawk a awm chuan a tul anga insiamtha turin an inpeih reng tih a sawi a ni.
Sawrkar laipuia special secretary ni bawk KK Pathak hian Ningania chief secretary nena an inkawmna leh Mizoram kalphung an zir dan chief minister hnenah hian a thlen a. Mizoram sawrkar hmalakna chu a that thawkhat hle rualin, dan paih thawl ngai (deregulate) tur dang a awm nuala an hriat thu a sawi.
India ramah MSME bultanna leh hmasawn zelna tur remchang tam se a duh tih sawiin, “MSME hmasawnna lamah hian kan thenawm ram ho aiin kan chak lo deuh niin kan inhria a, an ni lehpel a, kan ram economy chawikannan MSME hi chak zawka kaltir kan duh a ni,” a ti.
Building Law awlsam zawk leh hmasawnna hnathawh dawna forest clearance awlsam zawka neih a nih theih dan tur pawh an sawidun a ni.
He Task Force-ah hian cabinet secretary chu chairman niin, central leh state sawrkar kalphung siamthat ngaite zira a tul anga insiamrem dan tur rawttu an ni.