Hman theiha x-ray khawlbunfel vangin MLA lawm

Hman theiha x-ray khawl
bunfel vangin MLA lawm
Hrangturzo bialtu MLA, adviser to CM Lalmuanpuia Punte chuan a bial chhung khaw pathuma x-ray khawl chhia thlakna tur, MLA (LAD) Fund atanga a lei chu mipui hman theiha bun zawh a nih avang leh hlawhtling taka x ray neih a nih avangin lawmthu a sawi.
MLA Fund hmangin Biate Community Health Centre, E Lungdar Primary Health Centre leh N Vanlaiphai CHC-ah x-ray khawl thar a lo lei tawh a. A khawl thar lei hi Biate-ah July 23, E Lungdar-ah July 24 leh N Vanlaiphai-ah July 25 khan install niin, x ray pawh hlawhtling taka neih a ni tih bialtu MLA hian a sawi.
“Thil tih ngai hrang hrang harsa tak tak a awm avangin install mai theih lohin a awm reng a, Health minister Pi Lalrinpuii, Health commissioner Pu H Lalengmawia bakah Health department lama thawktuten harsatna tam tak sutlanga chak taka hma an lakna avangin tunah hian install zawh tawh niin, mipui hman theiha peih fel a ni ta,” a ti.