Serchhip district-ah raltlan 229 chhinchhiah an ni tawh

Serchhip district-ah raltlan
229 chhinchhiah an ni tawh
India ram pawn atanga Mizorama sahimna zawnga rawn tlanlutte hmelhmai leh, pianphung leh an kutzia laa chhinchhiahna – biometric enrolment kalpuiah August 13 thleng khan Serchhip district-ah mi 229 chhinchhiah an ni tawh.
Nilaini khan Serchhip Kawnpui Village Council huamchhung, Sailulak leh Leng khuaah biometric enrolment hi kalpui niin, hemi bikah khan mi 97 (Serchhip Kawnpui- 65, Leng – 29, Sailulak-3) tih sak an ni.
Serchhip district-a biometric enrolment tih hna thawktu team pathum hian district chhung veng leh khaw hrang hrangah raltlan chhinchhiah hna hi kalchilha thawkin, rokhawlhna awm loh chuan August 18 khian Serchhip Hmar Veng leh Serchhip Field Veng VC huamchhunga altlan awmte chhinchhiah hna kalpui leh tum a ni.
Raltlan chhinchhiah turte hi chhungkua anga insawn, Myanmar lama haw leh, hna thawka ram riakte an awm thin avangin, sawrkar data neih mek leh a taka biometric enrolment tihsak zat hi a danglam thin tih Serchhip DC office hotute chuan an sawi.