Bawkvak a meter 100 thleng rang ber

Bawkvakin meter thlen nan second eng zat nge i hman? Han ti chhin teh, Guinness World Record te pawh i lo siam thei reng maithei a nia! UK-a zirtirtu pakhat, Tom Dalton, kum 31, chuan a zirlaite chophur nan leh kan tum phawt chuan engkim a tih theih tih zirtir nan, bawkvak-a meter 100 thleng rang thei ber record a siam.
Tom Dalton hian a khup leh kutphah hmanga bawkvakin, second 39.70 chhungin meter 100 hi a vak thleng hman a, record a siam. A hmaa hetiang record chu Ireland lam mi, Eamonn Hickson-a’n 2019-a a siam niin, second 55.40 chhungin meter 100 a bawkvak thleng hman a, he record hi Tom Dalton hian a rawn khum ta a ni.
Tom hian record hi July ni 12 khan Worcester, Worcestershire-a racing track-ah siamin, a record siam hnuah amah tawiawmtu leh au phurtu te hnenah thusawiin, “Lockdown lai khan ka bawkvak chak thei riau tih ka inhrechhuak a, ka unaupain record dinglai khum tum turin min chophur ta a. Kan han tichhin a, ka khum ta mai reng a, mahse, kha chu official a ni lo. Official-in ti te ang kan ti ta a ni,” a ti.