Venice film festival-ah ‘The Smashing Machine’-in lawm a hlawh

Venice film festival-ah ‘The Smashing Machine’-in lawm a hlawh
Benny Safdie film siam, Dwayne Johnson channa ‘The Smashing Machine’ chu 82nd Venice International Film Festival-ah an premiere a, lawm a hlawh hle a, film chhuah zawhah minute 15 chhung zet standing ovation a dawng hial a ni.
He film-ah hian Dwayne Johnson chu mixed martial artist leh UFC fighter Mark Kerr lemah changin, he film-ah hian Kerr chu a hlawhtlinna tlang sang atanga a tlakchhiat dan leh, chuta tanga a rawn thawh chhuah leh dan te tarlan a ni.
Film-ah hian Emily Blunt chu Kerr-a ngaihzawng Dawn Staples-Kerr lemah a chang a, mixed martial artist Ryan Bader chu Kerr-a elpui, a hnua a mentor ni leh ta, Mark Coleman lemah a chang a, tunlaia fighter hriat hlawh tak tak Oleksandr Usyk, Satoshi Ishii, James Moontasril, Paul Cheng, Cyborg Abreu, Andre Tricoteux leh Marcus Aurélio te pawh an inlan.
The Smashing Machine film hi cinema hall-ah October ni 3 atangin an chhuah tan ang.