Ei leh in hrisel ei in leh insawizawi tulna inzirtir

Mizoram pumah Nilaini khan Rashtriya Poshan Maah (National Nutrition Month) hawn a ni a. Hemi pual hian Directorate of Women & Child Development chuan zirlaite nen “Adressing Obesity: Reducing Oil, Salt & Sugar Consumption & Inaugration of Rashtriya Poshan Maah 2025” programme an hmang.
School naupangte leh college zirlaite nen hmanho niin, ei tur mawm, al leh thlum eiluatin hrisellohna a thlen theih dan zirtir an ni a. Nutrition counselling-na hmun, Nutrition Hub – ei leh in hrisel tarlanna hmun leh health checkup – Anaemia test, weight leh BP check-na hmun buatsaih a ni. Prime minister-in Rashtriya Poshan Maah 2025 a hawn chu live telecast-a chhim a ni bawk.
He progamme-ah hian tukthuan hrisel (healthy breakfast) siam dan zirho niin, Anganwadi Workers Training Centre-a instructress-ten a takin an entir. Fitness trainer hoin ‘Bodyweight Boot Camp’ hman a ni a, taksa sawizawi dan zirtir an ni. Directorate of AYUSH atangin Yoga tih dan inzirtir a ni bawk a, taksa hriselna atana a pawimawhna entir a ni.