Harry Styles- darkar 3 tling loah Berlin marathon tlan chhuak

Harry Styles- darkar 3 tling loah Berlin marathon tlan chhuak
Pathianni kalta khan Berlin Marathon an tlan a, hetah hian One Direction member thin, solo lama an kal tak hnu pawha la hlawhtling zel, lemchan lamah pawh hlawhtling tak Harry Stylesa tlan ve a, darkar thum tling lo deuhah a tlan chhuak hman tlat.
Marathon chu km 42 a thui tlan a ni deuh mai a, drakar thum tling lo a tlan hman chu marathon tlan thang tan pawh thil satliah lo ve deuh tak chu a ni. Tun tum Berlin Marathon-ah hian mi 55,000 an tlan a, chung zingah chuan Styles hi tel vein, Styles hian a hming lem atan Sted Sarandos tih a hmang a, a lu a hreng a, sunglass a vuah bawk.
Styles hian darkar hnih, minute 59 leh second 13-ah a tlan chhuak hman niin Der Tagesspiegel chuan an tarlang. Styles hi Tokyo Marathon-ah te pawh a lo tlan ve zak zak tawh a, Tokyo-ah hian darkar thum leh minute 24 hun a hmang a, Tokyo ai chuan Berlin Marathon-ah hian a chetha deuh zawk a ni.