India-ah human pyramid sang record siam

Human pyramid an ti a, mihring incher-chhuan sang ti mai ila, chutiang human pyramid sang ber record chu Maharashtra-ah an siam a, chhawng 10-in an inchher-chhuan thei a, human pyramid chhawng 10 siam thei hmasa ber an ni bawk.
Record hi August ni 16-a an siam tawh kha niin, Kokan Nagar Govinda Pathak leh Sanskruti Yuva Pratisthan Trust ten Thane, Maharashtra-ah public event puitham tak buatsaihin, he event-ah hian human pyramid level 9, record rei tak lo ni tawh, India leh Spain-in record an intawm chu khumin record thar an siam ta a ni.
Tun tuma an human pyramid siam san zawng hi meter 14.73 (feet 48 leh inches 3.92) a sang a ni a, in chhawng thum ang vela sang a ni.
Hetiang human pyramid siam tur hian mihring tam tham tak a ngai a, a hnuai berah mi thahnem tak ding kualin, an koki-ah midang an ding leh a, chutiang chuan koki-ah inrah sakin, an inchherchhuan zel a, tuna an record siamnaah hi chuan a chhawng chhung lam palina atangin mi pakhat chauh zel an awm tawh a ni.
He record siamnaah hian a chhawng 10-na, a chung ber ding chauhin helmet khumin, invenna hruiin a inthlung bawk a, midang zawng chuan helmet an khum lo a, hrui pawhin an inthlung lo.