Larsap-in state aiawh tur kawm

Viksit Bharat Young Leaders Dialogue (VBYLD) 2026-a Mizoram aiawha tel tur thalai 14 leh official-te chu Thawhtanni khan larsap Gen. Vijay Kumar Singh chuan Lok Bhavan-ah a kawm.
Larsap chuan Mizoram-in hma sawn turin kawng hrang hrangah theihna nasa tak a nei tih a sawi a. Viksit Bharat Young Leaders Dialogue-a Mizoram aiawh turte pawh heng zing ami, an thiamna leh theihna atanga teha thlan chhuah an ni a. Mizoram aiawha ram pum huap intihsiaknaa tel tur an nih avangin tha taka inpuahchah a, chak duhna rilru pua inrintawkna nen intihsiakna hmachhawn turin a fuih.
Thalaiten sawrkarin hetiang hun remchang a siamsak avang leh, larsap-in an puala inkawmna a buatsaih avangin Mizoram aiawh turte hian lawmthu an sawi a. State tan hlawhtlinna chang turin theihtawp chhuah an tum tih an hrilh.
Viksit Bharat Young Leaders Dialogue 2026 hi January 9-12 chhung hian Bharat Mandapam New Delhi-ah neih a ni ang.