Hna thawk lo kan tam hi kan buaina – Dr K Beichhua

Hna thawk lo kan tam hi kan buaina
– Dr K Beichhua
Kan ramah hna thawk lo leh mahnia thawhchhuah tum lo kan tam lutuk chu kan buaina a ni a, thalai hnathawk lote entawn atan kuthnathawkte tihchak a ngai tih MLA Dr K Beichhua chuan a sawi.
Siaha bialtu MLA hian a MLA Fund atangin Siaha khuaa Meisavaih leh Meisatla-a kuthnathawk pawl pahnih – Meisavaih Liahry Association leh Meisatla Nûl Siam Association hnenah huana an fehna atan mini truck (Super Carry) pakhat ve ve chu Thawhtanni zing khan a pe a. An huan fehna atana Meisatla kawna mi lirthei an châng a hmuh thin thu sawiin, kuthnathawkte chu kan ei leh in tur thawkchhuaktu an nih angin an pawimawh hle a, thalai hnathawklote entawn atan kuthnathawkte tihchak atangin bul kan tan a ngai tiin hma an la ta tih a sawi a ni.
“Kan ramah hna thawk lo leh mahnia thawhchhuah tum lo kan tam lutuk hi kan buaina a ni a. Kum 2026-ah chuan keima ei tur chu ka thawkchhuak tur a ni, tih ngaihdan kan put theuh a tul,” a ti.
Lirthei a pek chu tangkai taka an hman atan leh an thlai tharchhuah kawngah an hlawkpui ngei theihnan a duhsak tih a sawi a ni.