Taylor Swift ‘The Fate of Ophelia’ a la lar ber

Taylor Swift hla hit ‘The Fate of Ophelia’ chu Billboard Global 200 chart-ah a No.1 a, he chart-ah hian a zawn lovin kar ruk a No.1 tling ta. Hetihrual hian Zara Larsson “Lush Life” chu top 10-ah a rawn lang thar ve ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh sales data te chu tehna pawimawh a ni.
Taylor Swift ‘The Fate of Ophelia’ hian kar khat chhungin stream maktaduai 58 leh sales 12,000 a la nei thei a, hei hi a kar ruk nan chart-ah a No.1 pui leh ta a ni.
Chart top 5-ah hi kar kalta nen a la danglam lo va, chart No.1 hlui Djo “End of Beginning” chu No.2-ah bawk a la awm a, chart No.1 hlui bawk HUNTRIX “Golden” chu No.3-ah bawk a la awm a, Bruno Mars “I Just Might” pawh No.4-ah bawk la awmin, Olivia Dean “Man I Need” pawh No.5-ah bawk a la awm.
Zara Larsson ‘Lush Life’-in stream maktaduai 35 neiin, No.11 atangin No.8 a kai a, he chart-a Zara Larsson top 10-a a lan vawi khatna a ni. He Swedish artist hian ‘Lush Life’ hi 2015-a a tlangzarh tawh kha a ni a, nikum December khan a vawi khat nan chart-ah a rawn lang ve tan a, tunah top 10 a kai ta a ni.
Billboard Global 200
Top 10:
1 The Fate Of Ophelia – Taylor Swift
2 End Of Beginning – Djo
3 Golden – HUNTR/X: EJAE, Audrey Nuna & REI AMI
4 I Just Might – Bruno Mars
5 Man I Need – Olivia Dean
6 Where Is My Husband! – RAYE
7 Ordinary – Alex Warren
8 Lush Life – Zara Larsson
9 So Easy (To Fall In Love) – Olivia Dean
10 Back To Friends – sombr