Kuhva chingtute mahni sensoin tour nei

Kuhva chingtute mahni sensoin tour nei
Hachhek Bial Kuhva Chingtu Pawl (HBKCP) chuan ni 5 chamin Guwahati leh Meghalaya-ah kuhva hralhna leh sawngbawl dan a theih ang angin an zirchiang.
HBKCP member-te hi Guwahati Mizoram House-ah asst.resident commissioner Juliet Chhakchhuak chuan a lo dawngsawng a, a ni ruahman ang hian Guwahati huamchhung Fancy Bazar leh Beltola Bazar a tualchhung kuhva rate leh an zawrh dan kalphung zir a ni. Tezpur leh hmun danga kuhva hring leitute leh kuhva sawngbawl lam buaipui thinte pawh biakpawh an ni bawk.
Hemi hnu hian Meghalaya N.Garo Hills District khawpui – Resubelpara leh a chhehvela kuhva an sawngbawl dan leh an hralh dan an zirchiang a. N.Garo Hills-a ABRI FPO Multipurpose Cooperative Society Ltd. hmun tlawhin, kuhva an lei dan leh an sawngbawl dan, an hralh dan system an zawtfiah a ni. State Horticulture department lamin an dawngsawng.
HBKCP member-te hi mahni insengsoa tour nei an ni a, kuhva market leh processing system chungchang an zirchiannaah hian thil tam tak an zir chhuak tih an sawi a ni.