MSL Club Saron BC Che Hma Jersey an tlangzarh!
MSL Club Saron BC Che Hma
Jersey an tlangzarh!
February ni 12, 2026 zan khan Saron Veng Indoor Stadium Confernce Hall-ah Mizoram Super League (MSL) club zinga champion sawi ri ngam Saron BC chuan March ni 3, 2026 a ṭan tur pualin jersey tlangzarhna an nei.
He hun hi Aizawl East-II Bialtu MLA leh Minister ni bawk, Pu B. Lalchhanzova chuan Khualluan niin a hmanpui.
Pu B.Lalchhanzova chuan, “Basketball in khel dawn, in fight dawn, fight ringawt hi chakna a ni lo, chakna tak tak chu tlawm duh lohnaah a innghat a ni. Mi zawng zawng hian kan nunah hian ‘fight’ kan nei vek a, hlawhtlin kan duh vek a ni; amaherawhchu, tlawm duh lo te leh tawpsan ve ngai lo te hi an ni chakna chang thin chu. Khawvelin a ngaihsan chu ‘ti tlat’ mi, phurna a reh tawh hnu pawha kal lui tlat te hi an ni. Chutiang mi chu an ni hlawhtlinna lallukhum khum thinte chu” tiin fuihna thu a sawi.
Hoops Mania Timeout
He hun hi Tv. Lalhlimawma, Vice President, SBBC chuan kaihruaiin, sawmbik mi hrang hrangte hnen atangin fuihna leh lawmpuina thu ngaihthlak a ni bawk.
Pu David Lalrinawma te chhungkua, Saron Veng te chuan an fanu ni November ni 17, 2025 a chatuan ram pan ta Esther V.L. Malsawmi hriatreng nan Saron Basketball Club te main sponsor-ah an tang a, an jersey ah te leh off shirt ah te pawh Esther-i hming hi an nem kai a ni.
Hetiang mi inpe te avang hian kan ṭhalaiten chona hmachhawn thei turin hun ṭha an neih phah fo, The Aizawl Post Hoops Mania chuan kan chhuang takzet.
Team list:
1. Marc Lalthlamuana Sailo,
Zarkawt (Coach)
2. T. Lalhriatzela (Captain), Republic
3. Biakmuanpuia (Asst. Captain), Saron
4. Zoduhzuala, Saron
5. Ramdinfela, Venghlui
6. Lawmsangzuala, Ramhlun North
7. Rinmuanpuia Chhangte, Lunglei
8. Lalrinpuia, Dinthar
9. J.Lalduhzuala, Durtlang
10. Lalmalsawma, College veng
11. Joseph, Lunglei
12. Lalhmachhuana, Zemabawk