MSL 11 – Tuikual South Phengphehlep thlawk sang thei tak maw…
MSL 11 – Tuikual South
Phengphehlep thlawk sang thei tak maw…
TKS player tha rual – The General, Albert-a, Rohlua, Tyson-a leh TKS vul vanglaia an veng tantute khuang vaw dup dup thawm te kha hunin a chhilh bo ta vek!
MSL atangin Mizorama basketball veng lian bera chhal ngam hial TKS hi an relegate a, player tha rual an chhua huk! An veng tlangval Robs Tlau hovin engtin tin emaw D League atangin an rawn invawrh kang leh a, MSL 11 ah an hmel kan hmu leh dawn ta – hman ang kha an ni tawh lo, champion beiseiawm an ni tawh lo!
He veng TKS hian hun thim leh harsa tawkin tun hma ang kha thlawptu nei tha tawh lo mah se, MSL 11 ah erawh hi chuan TKS nge nge kan ti leh thei – an hriat theih ta tep e.
Hoops Mania Timeout
TKS captain Akima chuan, “Tun MSL hi player anga thlir pawn a naupang ber kan ni dawn a, MSL a tawnhriat (experienced) lo neih tawh phei chu pa hnih bak kan awm dawn lo!
Pressure awm lo a kan khelh theih dawn avangin a huphurhawm rual rualin player-te ho kan inlungrual a, Pathian zarah theihtawp kan rawn chhuah ang,” tiin The Aizawl Post Hoops Mania zawhna a chhang.
Team list
1. Lalbiakkima – Khatla East
2. K. Liandinga – Hunthar
3. Lalfakzuala – Bethlehem
4. Romalsawma – Tuivamit
5. Larsson Lalhruaitluanga – Tuikual South
6. Lalhlimpuia – Nursery
7. Benjamin Laldinthara – Tuikual South
8. Vanlalhmangaihzuala – Bazar veng, Lunglei
9. David Lalrinchhana – Tuikual South
10. C. Chawnglianzela – Thenzawl, Vengthlang
11. Samuel Lalhruaitluanga – Bilkhawthlir
Coach : Andrew Chawngthanzuala
Assist Coach : Michael Ramdinmawia
Manager : Robert L. Tlau