Nigeria-ah mi sualten sipai pakua that

Nigeria-ah mi sualten sipai pakua that
Silai kengten Nigeria hmarthlang lam, Kebbi state-ah sipai pakua an thah bakah mi eng emaw zatin hliam an tuar tih venhim hna thawktu leh tual chhung thuneituten an sawi.
Benin leh Niger nena inri, Kebbi state hi hmarthlang state zingah ralthuam kenga mi ru botu pawlte zalen taka an chetna zingah a tel a, an huang zauh mek Islamist firfiakte an tam hle a ni.
Sipai thuchhuah pahnih leh mi dang pakhat chuan sipaite hi Kebbi-a Shanga district-a an awmhmun bula an patrol chu Thawhlehni tlai tawh takah khan silai kengte hian an bei niin an sawi.
Sipaite chuan a titu-ah hian Lakurawa firfiak pawl an rinhlelh thu an sawi a, he pawl hi he hmunah hian an awm mek nia hriat an nih bakah venhim hna thawktute an bei thin nia hriat a ni.
Kebbi state Governor Nasir Idris-a chuan sipai hliamte a tlawh a, pawikhawihna hi a thleng ngei tih a sawi a, thi zat erawh a sawi lo.
Nigeria-ah hian President Bola Tinubu-a sorkar tan himna derthawng nasa tak hi a hmachhawn lian ber a ni a, kum thum vel thuneihna a chang tawh a, tan la hle mah se an la hmet mit hleithei lo va. Islamist firfiakten tharum an thawh a, mi an ruk bona a thleng reng bawk.