Gravina leh Buffon an bang

Gravina leh Buffon an bang
A zawna a vawi thum nan World Cup an khel phak lo chuan nghawng tha lo a nei chho tan a. Italiana Giuoco Calcio (FIGC) hotupa Gabriele Gravina leh Gianluigi Buffon ten an nihna an bansan.
World Cup a vawi li champion tawh Italy hian playoff final a penaly shootout ah an khingpui Bosnia-Herzegovina chu thawhleh zan khan 4-1 ngawtin an hneh lova, penalty khelh phak an beiseina zawng zawng tihthlawnin a awm. Italy hian Russia World Cup 2018, Qatar World Cup 2022 te an lo khel phak tawh lova, 2026 ah an inlan phak leh dawn lo bawk.
Italy si nghak rinawm ni thin, national team tana mi tangkai leh hna pawimawh tak thawktu Buffon chuan instagramm lamah a hna chelh mek atanga a ban thu a sawi. Buffon hi World Cup 2006 ah an champion theih nana thawhhlawk tak kha an ni. Buffon hian Italy tan vawi 173 ngawt a lo khel tawh nghe nghe a ni.
FIGC a an hotupa ber kum 72 mi Gravina pawh mi pawimawh hrang hrangte nen inkawmkhawmna an neih hnuin a hna a chawlhsan zui ve bawk. Italian zingah Uefa a vice-president hmasa ber hian October 2018 atang khan tuna a bansan tan FIGC head nihna hi Carlo Tavecchio thlakin a chelh tan. A kaihhruaina hnuaiah hma an sawn thei lova, World Cup an khel phak lo zawn. World Euro 2010 ah champion bawk mah se World Cup an khel phak lo hian a mark a tichhe em em a ni. Gravina hnuaiah hian head coach Luciano Spalletti leh tuna awm mek Gennaro Gattuso te rawih an ni. World Cup khel phak lo mah se Gattuso hi an national team enkawl chhunzawm zel tura ngen a ni.
FIGC chuan June 22, 2026 ah President thar an thlan tur thu an sawi. President thar tura rinkai zingah Giovanni Malago, head of of the Italian Olympic Committee hlui leh president of the Milan-Cortina Winter Olympics organisation a tel.
Football ram ropui Italy hian World Cup 2030 thlen tumin Turkey nen hma an la uk uk a, an khelmual a tunlai tawh loh hlawm em vangin an hlawhtling zo lo. Heti chung hian Euro 2032 a inkhel thenkhat an thleng dawn thung.